أحدث الوصفاتالاطباق الرئيسية

حشوات للسمبوسة والسبرنغ روول

11123940 383194881890097 1047914025 n

راح احط لكم الحشوات اللي تنفع للسمبوسة والسبرنغ روول..واللي عندها حشوة حلوه بعد تسدحها لنا😄
.
1⃣جبن شيدر و ذره 1⃣
.
2⃣ حشوة الدجاج بالباربيكيو2⃣
دجاج فرش نسلقه مع بهارات صحيحه ..ولما يستوي انسحبه ..بمقلاة كبيره نحمس بصل شرايح ومشروم و ثوم مهروس..وانضيف عليه الدجاج مع فلفل اسود و مكعب مرقة دجاج+باربيكيو .
3⃣ماش3⃣
نحمس ٣ بصل مفروم وثوم مهروس و ١ فلفل بارد وكزبره فرش ومكعب مرقة خضار..بعد مايذبلون انضيف كوب ونص ماش مسلوق ..وانحط بهاراتنا ملعقه صغيره كمون وكاري وفلفل اسود
.
4⃣بطاطا الحاره4⃣
٣بطاط نقصصه صغار ونقليه+ كزبره فرش+عصير نص ليمونه+ملعقه دبس الرمان+ملح وفلفل اسود +فصين ثوم مهروسين
.
نحمس الثوم مع الكزبره وانضيف البطاط المقلي مع باقي المكونات
.
5⃣حلوم مبشور+نعناع+زيتون5⃣
.
6⃣البيتزا5⃣
مشروم مفروم+زيتون+فلفل بارد مفروم+اوريغانو+جبن موزريلا و شيدر
.
7⃣سبانخ7⃣
كيس سبانخ مثلج+ ٣بصل مفروم+ زيت زيتون+عصير ليمون حسب الرغبه+ ملعقتين كبار سماق+ملح وفلفل اسود
نحمس البصل وانضيف عليه السبانخ ونحمسه معاه واخر شي نضيف باقي المكونات
.
8⃣جبن مالح+زيتون حار او شطه8⃣
.
9⃣لحم مفروم مع جبن القشقوان9⃣
نص كيلو لحم مفروم+٤ بصل مفروم+كزبره مفرومه + فصين ثوم مهروسين+نص كيس خضار مثلجه او بزاليا + ملعقه صغيره كمون و كزبره بودر و قرفه وملح وفلفل اسود + جبن قشقوان مبشور
.
نحمس البصل والثوم تالي انضيف اللحم المفروم ونحمسه عدل وانضيف الكزبره مع البهارات و البزاليا او الخضار المشكله ..واخر شي انضيف القشقوان
.
🔟جاينيز🔟
كوب كل من..
ملفوف شرايح+جزر شرايح+فلفل ملون شرايح+بصل شرايح +ربع كوب صويا صوص+مكعبين مرقه دجاج .
نحمس البصل بزيت السمسم لما يذبل انضيف عليه مكعب الدجاج تالي نضيف باقي الخضار مع الصويا صوص
.
.

Noor Alghannam🇰🇼

Here you can find my simple and delicious recipes 👻kitchennoor Business lnquires 📧 [email protected] 📱00965-99174884 ⬇️🔴YouTube channel
زر الذهاب إلى الأعلى