نفس وصفتنا في مطعم التوليفة
المقادير
- نقعت كوبين ونص جريش استخدمت الكويتي حق المطاحن وطلع رهيب
- ٣ بصل مقطع ناعم مرة
- ٤ طماطم مبشور
- نص علبة معجون طماطم
- فصين ثوم مهروس
- ٢صدر دجاج او دجاج بعظم افضل طبعا
- م ك متجي تركي او مكعب ماحي
- ٢ونص م ص ملح
- م ص كل من كركم وفلفل اسود وكمون ولومي
- ٢ م ص بهار مشكل
- ٧ ونص ك ماء في حال استخدمنا قدر ضغط و١٠ ك ماء في حال استخدمتي قدر عادي
- لومي حب وفلفل حبحر
استخدمت سمنة جنوبية او زبدة او اي سمنة وحطيت البصل لين صار ذهبي ضفت الطماطم والمعجون و الثوم واخليه يتكسن لين يطلع زيت المعجون تقريبا ٣د
اضيف الدجاج ولما يبيض اضيف الجريش والبهارات والملح والفلفل واللومي واقلب شوي ثم اضيف الماء واضغطه ٤٠د
يختلف الوقت حسب نوع الجريش وفي القدر العادي من ساعتين الى ساعتين ونص بعدين ندقه شوي عشان يتجانس مع الدجاج
نجهز مسمنة ( ملاحظة عادة المسمنة مع الجريش الابيض بس احب طعمها مع الاحمر)
سمنه وبصل وبس يذبل ويتغير شوي لونه اضيف م ص من بهار المسمنة ( خذوه من بنات قصيميات هم اهله) ونص م ص كل من وكركم ولومي وكمون وفلفل اسود شوي وملح
الي ماعندها مسمنة تحط الي دكرت وتزيد قرفة وكزبرة وشوي معجون تمر هندي او دبس تمر
تقدم الجريش مع السمن
