جرجر نان هندي
تحبون النان ؟! 🧐 و اي نوع ؟ اشرحه لي تحت عشان اعرفه و اصوره لكم 😃👌
ابدعت هند في نان خصوصا اهل بنجاب وحده من اشهر النان عندهم امريتساري نان و اليوم سويته على اصوله و بدون تنور 😃💃💃💃
المقادير
- ٤ اكواب طحين
- ملح ١ م ص
- بيكيربونات الصوديوم ١/٢ م ص
- بيكينق بودره ١/٤ م ص
- ١/٤ كوب سمن
نخلط هذه المقادير كويس و نضغط بكفه اليد نشوف اذا اتلمت ف تمام ثم نضيف عليها
زبادي ٤ م كبيره = ٤٠ غ و نعجن مع ماء ٣/٤ كوب او ١ كوب بالكثير نعجن ل مدة ١٠ دقايق و تقدرون تعجنون في عجانة
بعد الفرد نفرد العجنيه الى حبه كبيره و نوزع عليها ١/٢ كوب سمن و عليها رشة دقيق و ليس طحين و نقفلها على شكل رول 🌀 زي سينابون راح يطلع معكم طويل نقطعها قطع متساوية و نغطي باحكام نخليها ترتاح ٤٠ دقيقه ، ناخذ حبة حبة بعد ٤٠ دقيقه نفرد و نضيف عليها كزبره نفردها شبه نحيفه و نطبخها من تحت اولا ثم فوق مجرد ما يتغير لونها من تحت نعطيها كذا تحميره خفيفه من فوق
