أحدث الوصفاتالحلويات

تشوكليت سويس رول

تشوكليت سويس رول

الوصفه سهله وبسيطه وتطبيقها سهل وطعمها رائع .. كل الموضوع نقرأ وننتبه عالتعليمات

◾للكيك نحتاج:

  • نص كوب طحين ابيض
  • ربع كوب بودرة كاكاو
  • 🚩 اذا حابينها سويسرول فانيلا حطوا ثلاث ارباع كوب طحين ونلغي ربع كوب الكاكاو طبعا

  • ١ ملعقه صغيرة باكنغ باودر
  • نص ملعقه صغيرة ملح
  • ٤ حبات بيض
  • ثلثين كوب سكر
  • نص ملعقه صغيرة قهوة
  • ٢ ملعقه كبيرة زيت

◾للحشو نحتاج:

  • ١٥٠ جرام قطع شوكولاته
  • نص كوب كريمه سائله

🔹️نذوبهم مع بعض بمغطس ماء او بالميكروويف ونضيف عليهم

  • كوب كريمه مخفوقه
🔹️نخلطهم بالملعقه وتصير جاهزة

(التغطية او الزينه بنحتاج نفس المقادير)

  • ٦٠ جرام قطع شوكولاته او نص كوب
  • نص كوب كريمه سائله
نذوبهم مع بعض بمغطس ماء او بالميكروويف

طريقة التحضير

🔹️نحتاج صينية قصيرة الحواف ومقاسها ٣٠×٤٠ سانتي ومبطنة بورق الزبده

🔹️نخفق البيض والسكر والفانيلا لغاية مايتكون خليط كريمي فاتح ترررررررررررر

🔹️نضيف الزيت والمكينه شغاله ونكمل خفق اقل من دقيقه .. يعني ترررر بس صغيرة

🔹️نضيف خليط النواشف (الطحين والكاكاو والباكنغ باودر والملح) ونخفق يادوبك بس يتمازج الخليط .. يعني ايضا تررر صغيرة

🔹️نكمل خلط (وليس خفق) بالملعقه جق جق جق لغاية مايتمازج النواشف

🔹️نصب الخليط بالصينية ونساوي السطح .. وندخلها فرن محمي ١٨٠ درجه والصينية بالوسط لمدة من ١٠ دقايق الى ١٥ دقيقه

🔹️يعني حسب فرنكم من عشر دقايق ابدؤوا شيكوو عليها

🔹️نطلعها ونقلبها على ورق زبدة يكون مرشوش بودرة كاكاو .. تنقلب بحيث يصير السطح تحت وقاع الكيكه يصير فوق

🔹️اهي وساخنه .. نلفها على ورق الزبدة بشكل اسطواني ونخليها حوالي دقيقتين تبرد شوي

🔹️نفتحها او بالاصح نرجع نفردها .. وندهنها بالحشوة ونرجع نلفها مرة ثانية وندخلها الثلاجه ربع ساعه عالاقل ونطلعها ونزينها وبالعافية 😊👌🏻

Mohamed Alkalha محمد الكلحه

TV chef 📺 محمد الكلحه . Pharmacist 💊 hiding in a chef's jacket 👨🏻‍🍳 . Self taught 🇯🇴 🇰🇼 .
زر الذهاب إلى الأعلى