| تبولة الكينوآ مع الشمندر | ما يحتآج أقولكم شلون لذيذة و مفيده تهبلل 👌🏻 * الطريقة :-
١- نشتغل ع الكينوآ /
الكينوا مالها طعم تشبه البرغل وفوائدها عجيبه 👍🏻
( الكينوا كل كوب يحتاج كوبين ماء ، والأفضل نغسله
زين بماء اقرب للبارد عشان يروح كل طعم المراره وبعدين نطبخه البيضاء تحتاج ١٥ دقيقة والحمراء تحتاج ٢٠ دقيقه وفيه مخلوطه أحمر مع أبيض أخليها ٢٠ دقيقه على نار وسط
بعدين على طول اغسلها بماء بارد وأخليها بمصفاة
لين تنزل مويتها كلها )
طبعاً الكينوا بعد الطبخ تتضاعف كميتها يعني الكوب يكفي كميه كبيره انا اخذت نصف الكمية والباقي خليته بالثلاجه .
٢- نفرم حزمة بقدونس + ربع حزمة كزبرة + شوي نعناع طازج + حزمه كامله بصل أخضر نقطعها صغار مره مع الراس الابيض + حبات رمّان “اختياري” .
٣- شمندر أحمر نشيل القشره بالسكّين ننظفه مضبوط وبعدين نبشره ناعم استخدمت حبتين وسط .( مايحتاج أبد سلق ) بس نظفيه زين وشيلي القشره مضبوط وابشريه ناااااعم 👌🏻 .
٤- الصوص : ( زيت زيتون ، عصير ليمونه ،
ملح ، دبس رمان ) .
وعند التقديم : تزيّن بحبّات الرمان .
وبسس بالعافيه لا تفوتكم سهله ولذيذه 😋
– ملاحظة : ماعندك كينوا عادي استبدليه بالبرغل .
• عذراً .. التصوير للتبولة بالنهايه كان تصوير ليلي سريع أهم شيء الوصفه كتبتها زي ماسويتها 👌🏻
#صحي_مع_عبير_العميره
