بودينغ بالتمر

هذا وقته يتقدّم دآفي مع القهوه شيء خيآل 😴

1- بقدر على نار وسط 300 مل ماء يعني : كوب وربع ماء عادي مو ساخن ونضيف عليه كوب تمر ونخليه لين يغلي وبعدين نضيف نص م ص بيكربونات الصوديوم ونخلطه مضبوط مع التمر وبعدين نطفّي النار ونكمل المقادير ورى بعض /
نحط 75 جرام من الزبدة الطريّه وبعده نضيف بيضتين مخفوقه مضبوط ونخلط بالسلك اليدوي بكل خفّه وأسرع شيء وبعدين كوب طحين أبيض + نص م ص ملح + كوب سكر بني ناعم رطب + م ص قرفة مطحونه .

2- الحين على راحتكم تحطونه بصينيه وحده أو بقوالب بعدين تدخلونه لفرن مسبق التسخين مشغل من تحت على درجة 350 فهرنهايت = 180مْ أخذت معي تقريباً 35 دقيقه .

3- أول ماتطلع من الفرن نغززها ونصب عليها صوص الكاراميل عباره عنه : نص اصبع زبدة + نص كوب سكر بني + علبة قشطة 155 جرام أو كريمة خفق 200 + رشة ملح مل على النار نخلطهم مع بعض لين يغلي الخليط ويتجانسون .

يتقدّم معه : كورة آيسكريم وجوز البيكان مجروش .
واستمتعو 😴

#كيكة_تمر_عبير_العميره