جربوا البسبوسه بهذي الطريقة وادعوا لي بس انتبهوا بتدمنونها لانها حرفيًا خ و را ف ي ه الطعم بطل بطل ما راح تحسون بقصدي اللي لما تجربون بانفسكم كيف حلاها موزون وقوامها متماسك وتجيك هشه وكريميه من الداخل تذوب بفمك اوف خلاص جربوا وبتفهموني 🤦🏻♀️😋🤣
( بسبوسة محشيه بالقشطه )
المقادير
- كوب سميد
- كوب حليب بودره
- علبة قشطة
- نص كوب سكر
- اصبع زبده مذوب (100 غرام )
- ملعقة بيكنج بودر
- ملعقه صغيره فانيلا
- مكونات حشوة القشطه :4 ملاعق نشا + 4 ملاعق سكر + كوبين حليب + علبة قشطه
طريقة التحضير
نخلط مكونات البسبوسه ونقسمها نصين وندهن صينية بايركس بالزيت ونصب فيها نص الخليط ونخبزها في الفرن من تحت لين تستوي وتتحمر الأطراف ثم ع النار نخلط النشا والسكر والحليب لين يثقل القوام ثم نضيف لهم علبة القشطه بعد كذا نحط الحشوه فوق النص الاول من خليط البسبوسه ونتركها تبرد شوي ثم نخفف النص الثاني من الخليط بربع كوب حليب ونوزعه فوق الحشوه باستخدام كيس او قمع تزيين عشان يسهل علينا التوزيع بعدين نساوي الخليط بالملعقة وندخل الصينية الفرن من فوق على درجة حرارة 180 ويكون رف الفرن تحت اخر شي لين تستوي على راحتها وتتحمر ( 20 دقيقه كذا وممكن اكثر ) وبعد ما نطلعها نسقيها بربع علبة حليب مكثف محلى ونتركها ساعة تتشربه وتبرد ثم نقطعها
وتقدم بالعافيه 😋💛
