النهاردة هنعمل برجر منه فيه! من غير شرح كتير تعالوا اوريكوا 😍
المقادير
- ٤ كوبايات دقيق
- كوباية و ربع مياه
- ملعقة صغيرة خميرة (تاج الملوك)
- ملعقة صغيرة سكر
- نص ملعقة صغيرة ملح
طريقة التحضير
هنحتاج كمان برجر و مشروم و بصل و جبنة شيدر احمر
هنحط المكونات الجافة على الدقيق بعد كدة الزيت و المياه و نعجن كويس، بعد كدة نسيب العجينة تخمر ساعة.
بعد ما تخمر هنفردها و نبدأ نقطع منها دواير كبيرة، ناخد الدايرة و نفردها تانى، بعد كدة نحط فيها الحشو و نبدأ نقفلها بالشكل اللى فى الڤيديو ده.
ندهنها بيض و نرش عليها شوية سمسم و ندخلها الفرن على ١٨٠ لمدة نص ساعة و نتابعها لحد ما تاخد لون من تحت و من فوق.
بعد كدة هتبقى جاهزة، زودوا جبنة اكتر لو تحبوا بتبقى احلى و جربوا الوصفة عموماً و قولوا لنا رأيكم 😍
