ايدامات تحبوه من الهند ؟!
ضيفوا ل قائمتكم هذه الوصفة لانها من اشهر وصفات الايدامات الجبارة في الهند ، انقارا شيكن
لكل ١ كيلو دجاج :
– الخطوة الاولى:
نحمص البهارات على نار هادية ل مدة ٤٠ ثانيه : ٣ م ك كزبره مجففه ، ١ م ك كمون ، ٥ هيل اخضر ، قرنفل ٤ قرفه عود صغير ، فلفل اسود ١ م ص ، لوز ١/٤ كوب ( اختياريه هذه البهارات : فلفل ابيض ١/٢ م ص ، فلفل احمر )
– الخطوة الثانيه :
٤٠٠ غ طماط نضربه ب خلاط ( انا حبيت اضيف كاندي طماط لانه فيه حلاوة 👌🏻 )
ثوم زنجبيل معجون ٣ م ك ، زبادي ٤٠٠ غ ، ملح ١ م ص ، لون الطعام رشه ، اوراق حلبه مجففه ٢ م ك ، بصل مقلي كوبين ( نضربه ب خلاط مع ١ م ك ماي فقط )
الطريقه : نضيف كل المقادير و نضيف ١ م ك من البهارات اللي طحناها و ندخله الثلاجه ل ليله او ٣ ساعات ثم على نار عاليه بغطاء مكشوف نتركه لين يغلي ، لما يبدا يغلي اغطي لكن مو كامل القدر و على نار وسط الى عاليه اتركه لين يصير قوامه ثقيل و الدجاج يستوي و بالف عافيه ❤️
