.
طريقة الوصفات اللي قدمتها مع كي دي دي اليوم لمن طلب انزلهم @kddkuwait
.
(اول طبق ام علي بالتوفي👇🏻)
.
◾الطريقة والمقادير:
🔸️احتاج كرواسان سادة .. استخدمت ست حبات .. فتحتها ودهنتها من الداخل صلصة توفي
.
🚩 طريقة التوفي اللي سويته بهذا الهاشتاق👇🏻
#توفي_كلحه
.
🔸️قصصت ✂️ الكرواسان قطع كبيرة ورصيتهم بطبق البايركس
.
🔸️اضفت مكسرات (فستق مجروش ولوز شرايح) وجوز هند و زبيب او كشمش فوق الكرواسان
.
🔸️سخنت لتر حليب عالنار .. تسخين فقط بدون غليان .. خليته على جنب
.
🔸️حطيت بطبق كوب سكر وبيضة وحده .. خفقتهم جق جق جق واضفت عليهم الحليب الساخن بس بالتدريج ولا بعدين ينطبخ البيض .. وحركتهم جق جق جق .. صبيتهم فوق الكرواسان بالبايركس ونخليه يتشرب
.
🔸️الحين .. حطيت كوب كريمة سائلة ونص كوب قيمر .. خفقتهم بالمكينه تررررر وصارت جاهزة
.
🔸️دهنت طبق ام علي بالكريمه ودخلته الفرن بالوسط .. نشعل فوق وتحت على حرارة 170 (او) لغاية ما يشقر الوجه .. وبالعافية
.
*************************
.
(الطبق الثاني طاجن زهرة بالدجاج بالباشاميل بالفرن👇🏻)
.
🚩 التحضيرات:
.
(1) اول شي نجهز الدجاج وعندكم خيارين ✌
.
يا اما نسلق دجاجه ونخليها من العظم وناخذ بس اللحم بشكل شرايح أو تستخدمو قطع دجاج فيليه جاهز أو مثلا شاورما دجاج مثلجه .. الخيارات كلها متاحه والنتيجه بتكون وحده
.
انا استخدمت شاورما مثلجه
.
(2) الان نجهز القرنبيط:
.
نبدأ بتقطيع القرنبيط لزهرات كبيرة (اللي يطلع منه صغير احتفظوا فيه بعد) ونسلق القرنبيط لمدة ربع ساعه ونضيف للماء شوي خل أو ليمون وشوي كمون بودرة
.
الهدف من الخل انه يخللي القرنبيط نااااصع البياض وطري وبالمرة يقتل اي جراثيم او حشرات محشورة فيه
.
(3) الان نجهز الباشاميل:
.
بخلاط الكأس نحط الباشاميل الجاهز + حبة طماطم + فتافيت القرنبيط وبعض الزهرات الصغيرة + كريمه + شوي ماء سلق دجاج ان وجد + معجون طماطم + جبن موزاريلا وبهارات ملح فلفل كزبرة ثوم جوز الطيب بهار دجاج
.
🔸أما حمسة الدجاج كالتالي .. حمست أو قلبت البصل والثوم بزيت نباتي حتی يذبل شوي واضفت لهم الدجاج وبعض البهارات وملعقه معجون طماطم
.
🔸البهارات اختياريه انا حطيت: كزبرة ثوم زنجبيل بابريكا بهار دجاج ملح فلفل .. وبالاخر يا دوبك فنجان ماء وغطيت المقلی حتی يستوي الدجاج
.
🔸التطبيق .. طبقه زهرة .. خلطة الدجاج .. الباشاميل .. جبن تشيدر .. بقسماط
.
🔸تدخل الفرن بالوسط حرارة 180 لمدة نص ساعه .. وبالاخر نحمرها من فوق 10 دقائق .. وبالعافيه 😊👌
.
.
