اليغمش

هي عباره عن عجين ولحم بس ايش يميزها ؟!! ان العجينه خفيفه مقرمشه ماتحتاج تخمير تعتمد ع الدقيق وحليب البودره فقط وغير كذا لها طريقة تشكيل خاصه 👌🏻

جربوها وادعوا لي وع فكره هذي الاكله ادمان في عايلتنا عليها طلبيات كثير من احد يذوقها تعجبه ويرجع يطلب مني اسويها ثاني وعاد انا الله وكيلكم ساحبه عليهم 🌚😂💔 بس اليوم حنّيت وسويتها عشان خالاتي ☺️💓💓

الطريقه :
نعجن 4 أكواب دقيق وكوب حليب بودره وملح ومويه لين نحصل على عجينه ليينه ومتماسكه 👌🏻
ونخليها ترتاح شوي ثم نقسمها لكور صغيره ونرش عليهم طحين حتى مايلتصقوا في بعض
ثم نفرد كل كره ونحشيها حشوة اللحم
( ع النار نحط شوي زيت ونضيف بصل مقطع ونحركه لين يشقر لونه ثم نضيف طماطم مقطع ثم اللحم المفروم ونخليه لين يستوي وتقرب تنشف مويته ثم نضيف ملح وفلفل اسود وملعقه صغيره كمون وملعقه صغيره بهارات مشكله ونحركه لين يستوي تمام )
بعد ماتحشين العجينه نطبقها بنفس الطريقه اللي في الفيديو ونصفها في صينيه وندهنها بالبيض وع الفرن من تحت وفوق لين تتحمر وبالعافيه 💕