مساء الخير متابعيني .
اليوم سويت الهريس بلحم العجل الكويتي وطبعا الافضل يكون عجل لان صغير .
اول شي سلقت اللحم اول سلقة وبدلت الماي .
الهريس من الليل تتقعونها.
تالي بجدر الهريس الصفرية تحطون اللحم الهريس الماي وعالچولة ربع ساعه تالي بالفرن بس تحت على نار عالية .
بعدها بثلاث ساعات. اطلعونها من الفرن وتضربونها.
واترجعونها الفرن اذا احتاجت ماي حطو عادي.
طبعا الشكل النهائي ما شاء الله شوفوها شلون متماسكة 👌😍 ما شاء الله .
وهريستنا برعاية هذي السمنة اللي هادينها لي اهل صلالة الطيبين من شريفة ام سلطان ❤️😘
بصراحة روعة واحلى سمنة .
بالنسبة لنا احنا نحط سكر ودارسين عالوجه.
وفي ناس ما تحط وكل دولة وحسب طريقتها سواء بالدارسين او الطبخ وغيره.
اختصرتلكم الكلام كله.
ارجو منكم التواصل بذوق واحترام
لا تنسون ان احنا برمضان الكلمة الطيبة صدقة .❤️ وكل الشكر .
اللي تقول ذبابة تحاول ادور شي خل تشوف عدل شنو اللي طاح وواضح ان مال حواف الجدر مال اللحم استغفر الله واتوب اليه . ..
