مش مجرد وصفة هالفيديو (قصة حب) المنسف الاردني
لنختم ايام العيد بالسعادة ❤️🇯🇴🇯🇴
المنسف الاردني على اصوله يعني فقط بالجميد الكركي 😉
بنحتاج لنقع راس جميد كركي يفضل ليلة كاملة ثم يقطع لقطع صغيرة وبنخلطهم بالخلاط
– لسلق اللحمة:
بطنجرة بنضيف السمنة وبنقلي قطع اللحمة فقط لتوخذ لون وبنضيف عليهم الماء الساخن وبس يغلي بنتخلص من الزفر وبنصفي المرق وبننقل اللحمة لطنجرة نظيفة وبنضيف عليها الجميد اللي خلطناه مع مرق اللحمة وبنحط معهم بقطعة شاش او كيس البهارات البصل مع التوابل الصحيحة (ورق غاز وهيل وكبش قرنفل) وفقط صحيحة لانه لبن المنسف يتميز بلونة الابيض وبنترك اللحمة حتى تمام النضج وبنضيف عليه معلقة سمن
– للارز:
بتحتاج حصرا (ارز مصري) ينقع ويقلى بالسمن ويضاف عليه الملح والكركم والماء المغلي (ارز المنسف يؤكل بطريقة معينة لذلك لا يستخدم الا المصري ويكون مستوي زيادة)
– لتقديم الطبق:
بجاط واسع بنحط خبز الشراك وبنشربوا بمرق الجميد بعدها بنحط الارز وبالوسط قطع اللحم مع المكسرات المقلية ورشة بقدونس ويشرب الارز وقت التقديم
وبالعافية ❤️
