بالبداية انقع العدس مع الارز حسب الكمية الي تحتاجونها
فالعادة كل كوب ارز احط معاه كوب عدس
هالمرة قللت استخدمت كوب ارز مع نص كوب عدس
اسخن الزيت واضيف عليه حبة بصل وثوم وفلفل حار اختياري
بعد مايشقر البصل ويتغير لونه اضيف عليه البطاطس اختياري
بعدها اضيف ملعقة معجون طماطم بعدها الطماطم
اضيف البهارات : مخلوط شوي وكمون وفلفل احمر
البهارات الصحيحة حسب الرغبة وحبتين ليمون اسود صحيح وملح حسب الرغبة
اضيف ماي عادي مع ماي سلق الدجاج ( ممكن استبداله
ببودرة الماجي الطبيعية او الغاءه عادي
اغطيه ١٠ دقايق بعدها اضيف الارز والعدس الي نقعناهم
اخلي النار عالية جدا لين ينشف اغلب الماي اهدي النار
واغطي القدر واتركه ٢٠-٣٠ دقيقة على نار هادية واقدمه
ملاحظات اضافية :
– احب اضيف له ملعقة اجار مانجو مع الحمسة هالمرة
ما اضفتها عشان لا يصير حار على ولدي
– احب اضيف كزبرة فرش ماكان عندي
