المخللات او الكبيس

توارثت حب عمل المخللات او الكبيس من امي الله يعطيها الصحة لذلك حبيت اقدملكم اربع انواع من المخللات اللي عملتها للشهر الفضيل وحكتبلكم الملاحظات اللي بحب اتبعها عند التخليل ❤️

١- لكل انواع المخللات اللي بالفيديو حطيت لكل كوب ماء معقم (او مغلي ويترك ليبرد) معلقة كبيرة من الملح الصخري الخالي من اليود ولو ما توفر استخدمو العادي لكن الخشن هو الافضل للمخللات

٢- السكر يضاف لمعادلة الملوحة ولو استخدمتو الملح الخشن حتكون ملوحتو اقل فانا ما استخدمت السكر بالتخليل هون

٣- الخل نسبتو ١٪؜ بالتخليل فهون المرطبان اخذ معي ٤ اكواب ونص اضفتلهم معلقتين الى ثلاث كبار من الخل.

٣- للكبيس المشكل فقط اضفت ربع كوب زيت زيتون ع الوجه

٤- اضفت المنكه الرئيسي الثوم ولكبيس الخيار اضفت حبات الكزبرة الصحيحة وممكن تضيفو الحار حسب رغبتكم

٥- ضروري تعقيم المرطبان وبعد فتح المخللات مهم جدا الايدين ما تلامس المخللات حتى نحافظ ع المخلل
اذا الجو حار يحفظ المخلل في الثلاجة بعد الفتح

٦- نظافة الخضار المستخدمة بالوصفة وتعقيم المرطبان عامل بنجاح الوصفة

٧- المخلل المشكل استخدمت فيه (جزر، فاصوليا خضرا، ذرة معلبة، فليفلة، ثوم وكررت الطبقات)

٨- استخدمت الشمندر المقشر ومقطع بكبيس اللفت والزهرة لاعطاء اللون للكبيس

٩- مدة التخليل من ١٠-١٤ يوم الكبيس المشكل ١٤ يوم