وصفتنا اليوم الكانولي الايطالي بطريقة مره سهله وسريعه ولذيييييذه ب٣ حشوات رهيبه 😍👍🏼
المقادير
- عجينة سولو للقلي
- ستيل شكل اسطواني
- شوكولاته خام للتغطيه
لكساترد الشوكولاته نحتاج 👇🏼
- كوب ونص حليب سايل
- ملعقتين كبيره كاسترد
- نص كوب نوتيلا
- ربع كوب كريمه خفق
الطريقه :
نضيف الحليب في قدر ونضيف له الكاسترد والنوتيلا ونخلط وبعدها نشغل النار ع القدر ونخلط الين يثقل شربه الخليط ننقله لصحن عميق ونغطي بنايلون وندخله الثلاجه الين يبرد تماماً ونطلعه ونخفقه شويه وبعد كذا نخفق الكريمه ونضيفها عليه ونخلط بكذا الحشوه الاولى جاهزه
لحشوة التمر نحتاج 👇🏼
- كوب تمر معجون
- ٣ملاعق كبيره حليب سايل
- ٥٠ غرام زبده (نص اصبع)
- علبة قشطه
- نص ملعقه صغيره هيل مطحون
- نص ملعقه صغيره قرفة مطحونه
- ربع ملعقه صغيره جوز الطيب مطحون
- ملعقه صغيره فانيلا
الطريقة :
في قدر ع النار نضيف التمر والزبده والحليب ونعجن وبعد كذا نضيف القشطه ونخلط واخر شي نضيف الهيل والقرفه وجوز الطيب ونخلط كذا الحشوه الثانيه جاهزه
لحشوة التشيز كيك نحتاج 👇🏼
- ١٢قطعه جبن كريمي
- نص كوب سكر بودره
- نص كوب كريمه خفق
- ملعقه صغيره فانيلا
- نص كوب فراوله مقطعه قطع صغيره جداً
الطريقه :
نخلط السكر والجبن والفانيلا الين يصير كريمي ونخفق كريمة الخفق ونضيفها ونقلب واخر شي الفراوله وبكذا اموت الحشوه الثالثه جاهزه
نشكل العجينه مثل ماهو واضح بالفيديو ونقليها الين تتحمر ونتركها تبرد وناخذ مجموعة منها ونغطيها بشوكولاتة خام مذوبه مثل ماهو واضح بالفيديو ونتركها تبرد ونحشيها بكاسترد الشوكولاته
ونحشي مجموعه منها بحشوة التشيز كيك ونغطيه بالسكر البودره ونحشي الاخيره بحشوة التمر ونزين ب اي مكسرات ونقدمهم وبالعافيه 😍
