القطايف مع الحشوات وبالأكواب
عجينة طرية ومرنة مثل الزبدة وزاكية ولو جربتوها ما رح تشتروا الجاهز أبدا
المقادير
- طحين ٢ كوب ونص
- سميد ١/٢ كوب
- حليب سائل كامل الدسم ١/٢ كوب
- سكر ٣ ملاعق كبيرة
- ملح رشة
- بيكنج باودر ٢ ملعقة كبيرة
- ماء ٤٠٠ مل أو كوب ونص وتوضع بالتدريج مع مراقبة قوام العجينة مع التحريك المستمر بالملعقة للتأكد من
خلط الجوانب جيدًا
معلومة مهمة: نوع المقلاة وحرارة المقلاة بتلعب دور كبير في نجاح القطايف لازم تكون المقلاة ساخنة ولكن مش لدرجة انها تحرق العجين من الأسفل
لتحضير حشوة الجبنة:
لو حبيتو تعملوها بالبيت استعملوا حبة جبنة عكاوي وحبة جبنة مشللة وابرشوها بالمبشرة الخشنة واغسلوها كويس من الملح وصفوها أكثر من مرة حتى تتخلصوا من الملح نهائيا
إضافة جبنة الموزوريلا هي اختيارية لو بتحبوا مطة الجبنة
