السر في السليق ماتطبخيه طول الوقت على نار عالية🔥🔥🔥
حلاوته ينطبخ على نار هااااااادية 😴
ابتداءً من سلق الدجاج الى طبخ الارز نبدأ بنار عالية
اول مايغلي كويس نهدي النار ونفس الشي لمن نضيف الرز نعلي النار الين يغلي وبعدها نهدي النار الين مانخلص الطبخة النار هادية….
المقادير
- ١ كيلو دجاج او لحم طبعا اللحم ياخذ وقت اطول في السلق
- ٩ الى ١٠ اكواب ماء (( ٩ اكواب ماء اذا تبغي السليق ماسك نفسه شوية // ١٠ اكواب ماء اذا تبغيه خفيف))
- ٨ حبات هيل (( اختياري)) + فصين مستكة
- ١ ملعقة كبيرة ملح وممكن اكثر شوية حسب الرغبة
- ١ كوب ارز امريكي مغسول ومنقوع لمدة ساعتين
- ١ كوب ارز مصري مغسول ومنقوع لمدة ساعتين
- بالنسبة للرز ممكن تستخدمي رز امريكي فقط او مصري فقط او الاثنين مع بعض
- ١ كوب ماء نذوب فيه ٤ ملاعق كبيرة حليب بودرة
- ١ علبة قشطة
- ٣ ملاعق كبيرة زبدة او سمن بري نضيفه في الاخير
#هديل #سليق #حجازيات #طبخ #وصفات #وصفات_سهلة
