وصفة من الحجاز
اكيد كل بيت وطريقته وهذي الطريقة المعتمدة عندي والي احبها وعاجبة عيلتي اذا طريقتي ماتناسبك خلك على طريقتك ومايهم ايش الاسم اهم شي المضمون
ياليت الاستفسار والكومنت على المضمون ومايحتاج تكتبون لا مو كذا الطريقة لان الطبخ عادي نغير ونبدل زي مايناسبنا 😅
الوصفة:
في قدر الضغط حطيت سمن او زيت وحطيت ٥ حبات مستكة ( مهمة) وشيبة وقرفة وقرنفل وهيل وحمستهم واضفت البصل مقطع ارباع وفصين ثوم كاملين واضفت اللحم وخليته ياخذ اللون ثم اضفت الماء وضغطته ٤٥ د وممكن بدون قدر الضغط لين يستوي بس عشان السرعة نضيف الملح ونخليه يطبخ خمس دقايق فيه
في قدر اخر احهز الصلصة التالية:
علبة معجون طماطم
٣حبات هيل وكسرتين قرفة و٤ حبات قرنفل ( مسمار) وحبة خولنجان وملعقة سمنة ونص م ص كل من فلفل اسود كمون كزبرة بهار مشكل كركم وشوي صفار الزعفران وم ص ملح واهم شي ربع كوب ماءكادي مررة مهم وضروري
احمسهم على النار قم اضيف كوب ونص من ماء سلق اللحم وممكن اكثر
اشيل اللحم واحطه في الصلصة واخليه يطبخ فيها تقريبا ٦-١٠د
احطها بصينية فرن اللحم والصلصة وادخلها الفرن تتحمر
ملاحظة اهل المدينة يسمونه الرز العربي والي برا المدينة يسمونه الرز المديني وفي ناس يقولون الرز العربي مافي صلصة والله احترنا المهم هذا المديني😂
اصفي ماء السلق واسلق فيه الرز المغسول والمنقوع نص ساعة ( رشيد الدمام مزة) لين يستوي الرز على مقدار ٣ ك رز حطيت ٥ك ماء السلق
خليه حرارة عالية بس يختفي الماء من السطح هدي الحرارة وغطيه ٣٠د
نحط الرز في الصحن وفوقه الصلصة واللحم ممكن يزين بالمكسرات
