القدر مثالي للموظفات ماياخذ وقت في الطبخ وآمن واهم شي مايطلع صوت مزعج😁
من جد يا بنات فنااان سريع واهم شي انه هااادي مايطلع صوت مزعج وقت الطبخ👌
اول شي نشغل القدر على خيار الدجاج ونضيف
١ دجاجة وزن كيلو مقسمة بالنص
١ لتر موية بحرارة الغرفة
*نشيل الزفر ونضيف المطيبات
بصل وفلفل رومي وبهارات صحيحة حسب الرغبة
ورق غار وقرفة وهيل وقرنفل
*نضغط القدر وننتظر الين يخلص الوقت ونفتح صمام الامان الين يطلع كل البخار نفتح الغطاء..
نشيل الدجاج في صينية عشان نحمرها في الفرن
ندهنها بخلطة عبارة عن( ملعقتين كبيرة زيت، شوية ملح وفلفل اسود وملعقة صغيرة من الكمون والكزبرة الناشفة و١/٤ ملعقة صغيرة من صبغة الزعفران)
ندهن الدجاج بالخلطة وندخله الفرن يتحمر..
ونشيل من المرق البصل والفلفل الرومي ونتخلص منه ماراح نحتاجه.
نضيف على المرق ١ ملعقة كبيرة ملح و١/٤ ملعقة صغيرة فلفل اسود
١/٢ كوب بصل مقلي
٢ كوب رز مزة او بسمتي مغسول ومنقوع
ملاحظة: مستوى الموية يكون يادوب يلامس سطح الرز.
نضغط القدر على خيار الارز وبعد مايخلص الوقت نفتح صمام الامان ونرش على الوجه صبغة زعفران ونرش زيادة بصل مقلي.
