في قدر الضغط حطيت سمن او زيت وحطيت ٥ حبات مستكة ( مهمة) وشيبة وقرفة وقرنفل وهيل وحمستهم واضفت البصل مقطع ارباع وفصين ثوم كاملين واضفت اللحم وخليته ياخذ اللون ثم اضفت الماء وضغطته ٤٥ د وممكن بدون قدر الضغط لين يستوي بس عشان السرعة نضيف الملح ونخليه يطبخ خمس دقايق فيه
في قدر اخر احهز الصلصة التالية
علبة معجون طماطم
٣حبات هيل وكسرتين قرفة و٤ حبات قرنفل ( مسمار) وحبة خولنجان وملعقة سمنة ونص م ص كل من فلفل اسود كمون كزبرة بهار مشكل كركم وشوي صفار الزعفران وم ص ملح واهم شي ربع كوب ماءكادي مررة مهم وضروري
احمسهم على النار قم اضيف كوب ونص من ماء سلق اللحم وممكن اكثر
اشيل اللحم واحطه في الصلصة واخليه يطبخ فيها تقريبا ٦-١٠د
احطها بصينية فرن اللحم والصلصة وادخلها الفرن تتحمر
ملاحظة اهل المدينة يخلون الصلصة اخف مني بس حبيتها ثقيلة
ملاحظة اهل المدينة يسمونه الرز العربي والي برا المدينة يسمونه الرز المديني وفي ماس يقولون الرز العربي مافي صلصة والله احترنا المهم هذا المديني😂
اصفي ماء السلق واسلق فيه الرز المغسول والمنقوع نص ساعة ( الشعلان مزة)لين يستوي الرز على مقدار ٣ ك رز حطيت ٤ك ماء السلق
نحط الرز في الصحن وفوقه الصلصة واللحم ممكن يزين بالمكسرات
