الذ جريش ممكن تذوقوه 🤤💙💙
اول مره أجربه ما اتوقعته سهل كذا ليش كنت استصعبه😂!!! بس يبغاه وقت و صبر 🤲🏻
المقادير
للجريش:
- كوب و نص جريش مغسول و منقوع لمده ساعه و مصفى
- ربع كوب رز مصري مغسول و منقوع
- بصل مقطع
- قرنين فلفل حار
- قطع دجاج
- مويه مغليه لسلق الدجاج
- ملح و ملعقه كبيره كمون مطحون
- ملعقه كبيره سمن
- ٢ كوب لبن مخلوط مع زبادي روب
للحمسه :
- بصل احمر مقطع صغار
- ملعقه كبيره سمن
- بهارات (كمون و ملح وفلفل اسود ، فلفل مجروش )
- ملعقه كبيره معجون طماطم
- قرن فلفل حار
- دجاج مسلوق و مفتت
طريقة التحضير
* نغسل الجريش و ننقعه في مويه حاره حوالي ساعه .
*نغسل الرز المصري و ننقعه نص ساعه *في قدر ع النار نحمر البصل مع السمن و الكمون و الفلفل اول مايذبل البصل نضيف الدجاج و نقلبه شوي بعدين نضيف له الملح والمويه و نغطيه ونخليه يطبخ الين يستوي الدجاج ..
* بعد ما يستوي الدجاج نرفعه من النار و ناخذ شوي من المرقه تقريبًا ربع كوب و نخليه على جنب *بعد كذا نضيف الجريش مع الرز و نزيد كميه المويه الين تغطي الجريش و نغطي القدر و نخليه يطبخ نص ساعه * بعد مرور نص ساعه نضيف اللبن مع الزبادي و نحركه شوي و ممكن تضيفو ملح لو حسيتوه ناقص و نغطي القدر على نار هاديه جداً لمده ساعه إلى ساعتين وكل شوي نحركه تحريك خفيف
*في قدر ثاني نسوي الحمسه : نضيف السمن و البصل ، البصل لازم يتحمر و يصير لونه اشقر و معجون الطماطم و البهارات و الليمون الأسود و الملح و الدجاج المفتت و المرقه و نقلبه و نخليه على جنب ..
وقت التقديم يتقدم الجريش وفوقه الدجاج و بالعافيه 💙💙💙💙💙
