التشي كوفتا باللحمه المفرومة ( اللي مايبغا اللحم يستغنى عنو ) طبعا احنا متعودين ناكلو من صغرنا فأكيد اللي مو متعود مارح يتقبل الموضوع وكل واحد ياكل اللي يعجبو 😻😂
المكونات :
مقدار كاستين مويه برغل اسمر واذا مو متوفر استخدمو الابيض حق التبولة العادي
بصلة مقطعة صغيرة جدا على اليد مو تفرموه ماكينة و ٤ فصوص توم مقطعة صغير على اليد برضو
ملعقتين اكل صلصة تركية ( صلصة الفلفل الرومي سواء حار او بارد حسب الرغبة )
ملعقة اكل إسوت ( بهار لونو اسود عبارة فلفل احمر محمص ) İsot
ملعقة اكل فلفل احمر مجروش
قطع نص ليمون
فلفل اسود وملح وكمون
عودين بصل أخضر العيدان الخضرا بس
نص حزمة بقدونس مفرومة صغير
٣ ملاعق اكل زيت زيتون
ملاحظة اللي يبغا يحط لحم ني مفروم يحط ٢٠٠ غرام لحم من غير شحم
الطريقة :
نحط اول شي البصل والتوم مع البهارات وقطع الليمون وزيت الزيتون والصلصة ونفركهم مع بعض بعدها نخلطهم مع البرغل ونبدأ ندعكهم كويس ( الدعك يبغالو قوة وصبر لانو رح ياخد فترة عبال يلين البرغل عشان مافيه مويه ولا طماطم )
وبعد مانحس انها بدأت تلين نضيف اللحم في حال تبغو تضيفوه !! وبعدها نحط البصل الاخضر المقطع ونفركو وآخر شي نحط البقدونس وعليه شوية زيت زيتون ونكمل دعك وندوقها ونشوف كيف الملح حقها ولازم تكون لينة ومعجونة كويس عشان لا يطق البرغل في الأسنان وبالعافية عليكم
@muhammedoguzbasar .
.
.
