الحشوة:🍗💛
صدر دجاج حجمه كبير مسلوق ومفتت بالشوكة او مفروم بالسكين
خضار مقطعة مربعات لكل من :
- بصل احمر
- بطاطس و جزر
- وممكن تضيفون بازلاء او كرمب مفروم”
- كزبرة مفرومة
نحمس البصل مع شوي زيت ونضيف الخضار والدجاج والبهارات استخدمت :
“بابريكا حلوة – فلفل اسود و بودرة ثوم وملح”
وممكن تضيفون ملعقة جبن سائل او مايونيز اخر شي .💛
عجينة بف باستري تكون طالعة من الفريزر من نص ساعة
نقطعها مكعبات صغيرة ونبدأ نحشيها ملعقة صغيرة من الحشوة
ونضيف بالنص حبة اصابع بطاطس مجمدة.
اختارو حجم يناسب الشكل الي معكم انا اخترت حباب بطاطس وسط الى صغيرة
تاكدو من انكم تغلفون عجينة البف باستري بالبطاطس كويس وتسحبونها لنص البطاطس مع الضغط عليها عشان تحافظ على الحشوة ماتطلع
نغمس البطاطس بالبيض وبعدها البقسماط ويفضل يكون البقسماط مبهر شوي ببهارات مثل بابريكا او بهارات ايطالية او بودرة ثوم براحتكم
نقليها بزيت عميق
تاكدوا ان الزيت يكون ساخن من قبل عشر دقايق مثلا بس وقت القلي خفضوا النار جددداً عشان مايغمق لونها
والعجينه او البطاطس ما استوت
تأخذ ٦ – ٥ دقايق بالزيت
تقدم بالعافية مع اي صوص تفضلونه😻💛
