اعشاش الباستا
نسلق مكرونة سباغاتي او لينغويني انا استخدمت لينغويني اختياري احط عليها شوي صلصة باستا وكريمة واسبكها معها واتركها على جنب
للحشوة
بصلة مفرومة تذبل اضيف عليها ٤٠٠ غم صدور دجاج مقطعة صغغر وم ص ثوم وم ص زنجبيل واحمسها لين ينشف الماء
اضفت علبة ذرة صغيرة وخضار مشكلة مجمدة ومشروم لو تحبون ونقلبها واضيف ٢ م ص بودرة الماجي وم ص بهار عثماني وم ص فلفل اسود وم ص بهار الباستا و م ص ملح بعد مااحمس زين
اضيف نص كوب كريمة طبخ ونص كوب صلصة الباستا وم ك جبن كاسات واسبكها زين
بالشوكة الف الباستا على شكل اعشاش واحطها بالصينية
احط الحشوة فوق كل عش
احط كريمة عشان ماتنشف
وجبن موزاريلا فوق كل حشوة ورشة اوريغانو
وادخلها الفرن تذوب الجبنه
تقوووطر لذاذة لاااازم تجربونها
في فوتشيني كور ممكن استخدامه
في شعيرية بعد بس انا ماحبها
