أحدث الوصفاتالحلويات

اصابع البقلاوة التركية

25035614 1987865338169327 6585479054378401792 n

😋🇹🇷اصابع البقلاوة التركية 🇹🇷

😋 . جدددا لذيذه .وسهله 👌🏼😋💯

المقادير

  • باكيت قلاش ( استخدمت السنبله )
  • والحشوه عباره عن (كاسة فستق مطحون خشن
  • نص كاسة جوز (عين الجمل ) مطحون خشن
  • نص او ربع ملعقه صغيره قرفة ناعمه ومثلها هيل
  • ربع كاسة سكر – ملعقة موية ورد
  • اصبع ونص زبدة مذوبه او سمنه < اللي تحبونه عادي
  • شيره ثقيله
  • عصاة نحيفه ( شفتي المعلاق حق الملابس الخشب او البلاستيك قصي العصاه المستقيمه اللي تحت واستخدميها )

طريقة التحضير

تفردين ورقة قلاش مع تغطيه الباقي بمنشفه مبلوله عشان لايجف
وتدهنين الورقه بالزبده وفي الجهه الطويله ( مثل ورقة A4 اذا حطيتيها بالعرض ) تحطين بالطرف الحشوه مع نثر القليل في باقي الورقه وتسكرين الطرف عليها وتحطين العصاه وتلفينهم رول وحطيها على جنب افردي ورقه ثانيه وادهنيها بالزبده وارجعي خذي الرول الاول حطيه فوق الورقه الثانيه ولفيهم سوا يصير طبقتين الحين تمسكين الرول من الاطراف وتكرمشينه على داخل ثم تسحبينه من العصاه بكل سهوله وتحطينه بالصينيه < تكون مدهونه زبده
وتكملين الباقي بهالطريقه لحد ماتخلصين وتدهنين الوجه زبده وعالفرن تتحمر ماتاخذ دقايق واول ماتطلع اسقيها شيره ثقيله بارده ثم قطعيها وبالعاااافيه ..
@ya8lbha

مـــطبخ دلال الدايــــل

مطبخ دلال الدايل 🍒الطـــبخ بطرق سهله ومبتكره 🍒 🍒اسـتودعت الله نفسي ومااملك🍒 🍒للاعـــلان والرعايه0503200844 🍒لنا حق التمنّي ۈلِلہ سر الإجاابہ🍒
زر الذهاب إلى الأعلى