أقمآع مبتكره

| (1) أقمآع مبتكره من عبير العميرة | .
.’ مقادير العجينة :
كوبين ونص طحين + نص م ص ملح
+ ملعقتين كبيرة حليب بودرة + نص م ص بيكنج بودر + م ص خميرة + م ك سكر ..
+ كوب ماء دافي ..
نعجن كل المكونات مع بعض في العجانة لين تصير عندنا عجينه متماسكه و ناعمه آخر شيء نضيف عليهم ربع كوب زيت زيتون ونخليه يتجانس مع المكونات لو حسيتي انه ماتجانس يعني العجينه صارت طريّه مره زيدي ملعقة طحين .. أهم شيء تنعجن العجينه مضبوط 10 دقايق على سرعة وسط ثم ندهن الوجه بشوي زيت زيتون
و نغطّيها ونخليها تتخمّر في مكان دافي لمدة ساعة ..
بعد ما تتخمّر ناخذ منها قطعة .. ثم نفردها بشكل مستطيل ونقطعها لشرائح طويله ثم نلف الاقماع ع الشرائط طبعاً القمع طويل الافضل نقسمه لجزئين يصير يطلع لك عقب قمعين 👌🏻
” مهم جداً تشوفون الخطوات بالصور عشان يسهل عليكم التنفيذ ” بعدين مانثبّتهم على القمع يصير عندنا خليط ( ماء + شوي عسل أو اذا تحبين بيض بس فيه كثير مايحبونه ويتحسسون منه عشان كذا الماء والعسل بديل لتثبيت التغطيات ) .

بعدين التغطيات كل وحده وإبداعها :
حطّيت الموجود عندي : “لوز أبيض مبشور” خلطته بمحضرة الطعام عشان يصير مجروش ، “زعتر” ، “سمسم”، “شيبس” أي نكهة تفضلونها برضو تدقّونه أو تطحنونه طحن سريع يصير مجروش ، “بقدونس” مفروم وهو ناشف جداً يصير مفلفل عشان يثبت زين ، آخر شيء عندي “بذور دوار الشمس”
مره تجنن مع المخبوزات أخذتها من محمصة
أرض الصنوبر .
بعد ما نغطّي الرولات نصفّهم بصينيه فيها ورق زبدة وندخلهم لفرن مسبق التسخين على درجة حرارة 200ْ مشغل من تحت فقط بعد 10 دقايق تقريباً نشغل من فوق واللي عندهم مروحه بالفرن يشغلونها أفضل بالتحمير ✨
وأول ماتستوي وتطلعونها من الفرن على طول تسحبونهم لأن اذا بردو يمسكون في القمع فيصير صعب تطلعينهم ممكن تتقطع معك ! .

التكملة بالبوست الجاي 👈🏻
#مخبوزات_عبير_العميرة