أحدث الوصفاتالحلويات

ليزى كيك

ليزى كيك

النهاردة هنعمل اخطر (ليزى كيك) فى العالم، هى مش ليزى اوى فيها شوية حركة 😂😂 تعالوا نشوف مع بعض

المقادير

  • كوبايتين لبن
  • كوباية كريمة
  • علبة لبن مكثف محلى
  • ٥٠ جرام زبدة
  • علبة قشطة
  • نص كوباية كاكاو و زود حسب الرغبة
  • ١٠٠ جرام شوكولاتة (حليب)
  • بسكوت (الكمية حسب الرغبة)
  • ممكن اى اضافات زى المالتيزرز

طريقة التحضير

على النار هنحط اللبن مع الكريمة و اللبن المكثف المحلى و القشطة و الكاكاو و لما كله يسخن و يندمج مع بعض ننزل الشوكولاتة

هنكسر البسكوت و نحط عليه خليط الشوكولاتة بعد ما يبرد شوية و نقلب كله مع بعضه و نحط فى القالب و ندخله التلاجة.

هنجيب شوكولاتة حلوة كدة و نحط عليها كريمة سخنة تبقى صوص شوكولاتة حلو كدة ننزلها على الكيك من فوق تعمل طبقة جميلة كدة.

بعد كدة هنقطع الكيك و هناكل حاجة خطيرة 😍😍 جربوها و قولوا لنا رأيكم 😍😍

المصدر: @muhammedhazem

5/5 - (3 أصوات)

Mohammed Hazem

- TikTok Hero Award 2020🥇(Best food content 2020 middle east) - Cook/food blogger ‎- مرجع المطاعم - Lotus king‎- #بشاميل_الخميس - Burgers Addict

اترك تعليقاً

زر الذهاب إلى الأعلى