أحدث الوصفاتالحلويات

كيك لاتيه


( كيك لاتيه )

المقادير

  • زبده 200 غرام
  • كوب ونص سكر
  • ربع كوب عسل
  • كوبين ونص طحين
  • ملعقه صغيره بيكربونات الصوديوم
  • ملعقه كبيره فانيلا
  • 3 بيضات
  • ملعقه كبيره نسكافيه
  • ملعقه كبيره شوكولاته بودره
  • ملعقتين كبار سكر بودره

مكونات الكريمه :

  • 3 أظرف دريم ويب
  • 6 ملاعق كراميل او توفي ( طريقته ناخذ حليب نستله العلبه الكبيرة ونشيل الورق اللي عليها ثم نحطها تغلي في قدر فيه مويه مدة ساعتين وكل ماقلت المويه نزيد الكميه وبعد الساعتين ندخلها الثلاجه تبرد وننتبه مانفتح العلبه قبل ماتبرد )
  • 6 ملاعق جبن فيلادلفيا
  • 6 بيالات حليب سايل

طريقة التحضير

في قدر ع النار نذوّب الزبده ثم نضيف السكر والعسل ونحرك لما يذوبون ثم نضيف الطحين وبيكربونات الصوديوم ونحرك ثم نشيل القدر من النار ونضيف الفانيلا والبيض ونحرك سررريع بعد كذا نحط ورق زبده على صينية فرن ونحط عليها صينية الكيك ونحدد حجم الصينيه بقلم رصاص ثم ندهن خليط الكيك على الحجم اللي سويناه بطبقه رقيقه ثم ندخلها فرن ساخن من قبل ونخليها تقريبا 5 دقايق وممكن اقل اهم شي اذا تحمرت الأطراف نطلعها ونكرر الحركه لما يصير عندنا اربع طبقات طبعا لما نجي نخبز الطبقه الاخيره حطوا معها النسكافيه والشوكولاتة والسكر البودره ثم اخبزوها انا نسيت فا حطيتهم يوم جيت اطحن الكيك بالنهايه .
المهم نحط اول طبقة كيك بالصينيه ثم خليط الكريمه ونكرر 3 طبقات وآخر طبقة كيك نطحنها ونرشها ثم نطبطب عليها بالملعقة عشان تتماسك ونزينها ببسكويت مطحون بالشكل اللي نبيه وندخلها الثلاجه ساعتين تبرد وتتماسك وبالعافيه 💕

 

قيم هذه الوصفة

هديل عبداللطيف

* Born in 1995 . * أحب السهل السريع للإعلانات وتصوير المنتجات دايركت 📥 الاحساء🌴 / snap👻:Hadeel_atf
زر الذهاب إلى الأعلى