![طبقات التورتيلا 3 187609707 305439954474153 2313061893428693340 n](https://i0.wp.com/cookinsta.com/wp-content/uploads/2021/05/187609707_305439954474153_2313061893428693340_n.jpg?w=700&ssl=1)
طبقات التورتيلا
دجاج مكعبات نتبله بليمون وملح وخل وزبادي وثوم ونتركه يوم كامل بالتتبيله افضل
نحط بالقدر زيت ونرفعه على النار ونصفي الدجاج من التتبيله ونحطه بالقدر ونتركه على نار وسط ونتركه ١٥ دقيقه ونضيف له ملعقه صغيره كركم وملعقتين صغار بهارات كيجن
وفلفل الوان وبصل وجزر مقطع مكعبات صغيره وذره ونتركه ١٥ دقيقه ثانيه لين تنشف موية الدجاج ونرفعه عن النار
– الصوص الاحمر :
حبة بصل مكعبات صغيره يكشن بزيت لين يذبل ويضاف له ملعقتين معجون طماطم ونكشنه شوي ونضيف حبتين طماطم وسط مطحونه وملعقه صغيره بهارات مشكله ونصف مكعب ماجي ونتركه يتسبك شوي ونرفعه عن النار ونضيف له ملعقة طعام مليانه مايونيز وملعقتين صوص فرنسي وملعقتين كشاب
– الصوص الابيض:
كوب ونصف حليب + ملعقة طعام ونصف دقيق + ربع اصبع زبده ملح
نحطه على النار لين يثقل ونضيف له كوب كريمة طبخ وملعقتين طعام مليانه جبن سايل وتخلط بالخلاط
طريقة التحضير
نجيب صينيه فرن دائريه ونحط فيها ملعقتين او ثلاث من الصوص الابيض على قد خبزة التورتيلا وناخذ حبة تورتيلا ونحطها بالصينيه فوق الصوص وندهن التورتيلا بالصوص الأحمر ونحط فوقه من خليط الدجاج ونوزع على الدجاج ملعقتين من الصوص الابيض ونرش عليه جبن شيدر وجبن موزريلا ولاتكثرون ونحط فوقه خبز ه ثانيه ونسوي نفس الطبقات مع الخبزه الاولى
صوص احمر ، دجاج ، صوص ابيض ،اجبان وهكذا نسوي كم طبقه
انا حطيت ٨ خبزات الثامنه آخر وحده ماحطيت فوقها شي بس صبيت عليها باقي الصوص الابيض ورشيت اجبان وفلفل الوان وبهارات ايطاليه ودخلتها فرن حار على نار هاديه من تحت جلست تقريباً نصف ساعه لين شفتها تطبخ
الصينيه لازم تكون اكبر من التورتيلا عشان تقدرون تقطعونها وهي داخل الصينيه
دسمه بس لذيذه وتغيير عن الساندوتشات العاديه واذا عندك ضيوف تعتبر طبق أنيق ويواجه
@bnt_alanoud_