أحدث الوصفاتالاطباق الرئيسية

رز عزيمه

خُرافي ولذيذ و ولا اسهل🤤💆🏻‍♀️
‏سويته بـ يد/كتف الخروف🥩
وتقدرون تسوونه بأي جزء حابين👌🏻

‏نجيب قدر كاتم حجم كبير وتقدرون بـ قدر عادي بس اكيد الوقت يصير اكثر نحط اليد كامله زي ماهي 🥩 ” بالعاده نغلي اللحمه غلوه وحده ونشيل المويا الاولى عنها لكن لحمتنا هالمره تهبل وفريش مايحتاج هذا كله فقط نغسلها كويس بملح وخل وتصير تمام معنا”👌🏻🥩

‏نحط اللحمه بالقدر ونضيف التالي:
” بصل قطع كبيره 🧅 + حبوب الفلفل الاسود + هيل + عود قرفه + ورق غار + فلفل احمر 🌶 + اخضر ” البهارات مانكثر فقط – ١ م ص من البهار المشكل + الكركم – ” لانو مثل ماقلنا لحمنا فرش ويهبل كل الطعومات فيه ”

ثم نضيف ماء مغلي 💧 الى مايغطي اللحمه 🥩 ونسكر الكاتم ساعه ⏰ ” نحب اللحمه تكون ذايبه فتحكموا بالوقت مثل ما انتم تحبونها👌🏻 ”

‏بعد ساعه فتحته واضفت الملح ” حسب الرغبه ” ورجعت سكرت ١٥د 🔥 ثم نطلّع اليد ونحطها بصينية الفرن ونمسحها بمنقوع الزعفران ” مرقة اللحم اضفت عليها زعفران + صبغة زعفران ” وندخلها الفرن تتحمر🔥

‏ثم بـ قدر ثاني نحمس بصل ونحط ” كم حبه هيل + ورق غار + فلفل اخصر” ونضيف الرز 🍚 ونضيف مرقة اللحمه المصفاة ٢٠د بالضبط 👌🏻 اول ٥د نار عاليه ثم ١٥د نار هاديه، واذا بقى ١٠د نضيف على الوجه الكشنه ومنقوع الزعفران👌🏻

‏وخلصنا، وبيصير الذ رز عزيمه بتذوقونه🤩!
‏بالعافيه عليكم مقدمًا💛

4/5 - (1 صوت واحد)

هند أبوحيمد | Hend Abuhaimed

اصور لكم وصفاتي بـ حب ❤️ لإعلاناتكم📥 0550953031 ⠀⠀⠀⠀⠀⠀⠀⠀⠀⠀⠀⠀⠀⠀⠀⠀ اذكروا والدي حبيبي بـ دعوه 💌 اللهم اجعل قبر عبدالله ابوحيمد روضه من رياض الجنه
زر الذهاب إلى الأعلى