![المنزلة 3 60597867 140979096972621 860734752952142410 n](https://i0.wp.com/cookinsta.com/wp-content/uploads/2019/08/60597867_140979096972621_860734752952142410_n.jpg?w=700&ssl=1)
المنزلة من الاصناف اللذيذة على سفرة العيد مرة احبها💞
للامانة الذ طريقة ذقتها طريقة ام زوجي هذي الي عملتها اليوم..👍
طريقتها تختلف شوية عن الطرق الثانية بدل البهارات المطحونة تحط صرة بهارات الشوربة والحمر او التمر الهندي يعطيها طعم خطييير😍
المقادير
- ٣/٤ كوب طحينة او هردة
- ١ كوب منقوع تمر هندي ((تمر هندي خاص بالطبخ يكون ناشف ننقع نص بكر صغير مع كوبين ماء ساخن ونغطيه الين تبرد الموية نعصر التمر الهندي باليد ونصفيه وناخذ منه كوب واحد للمنزلة.))
- ١ ملعقة كبيرة خل اسود
((نخلط كل المكونات مع بعض ونشيلهم على جنب))
في قدر على نار عالية نضيف ٤ ملاعق كبيرة زيت مع ١/٢ كوب بصل ابيض مفرووم((بصل ابيض عشان مايغير لون المنزلة زي البصل الاحمر بس طبعا تقدرو تستخدمو بصل احمر عادي))
بعد مايذبل البصل نضيف ١ كيلو لحم غنم هبرة او بالعظم حسب الرغبة.
ونقلب الين يتغير لون اللحم نضيف ٢ ملعقة صغيرة ثوم مهروس ونقلب شوية ونضيف صرة كبيرة من بهارات الشوربة عبارة عن: بهارات صحيحة
- نص ملعقة صغيرة فلفل اسود
- ١ ملعقة صغيرة كمون
- ١ ملعقة صغيرة كزبرة ناشفة
- ١٠ حبات هيل
- ٥ حبات قرنفل
- عود قرفة متوسط الحجم
- قطعة صغيرة خولنجان
او بدل صرة البهارات نستبدلها بالبهارات المطحونة نضيف ١ ملعقة صغيرة كمون مطحون مع ملعقة صغيرة كزبرة ناشفة مطحونة مع نص ملعقة صغيرة فلفل ابيض عشان الاسود حيغير لون المنزلة
((يعني يا نحط صرة بهارات يا البهارات المطحونة))
بعد مانضيف البهارات نضيف ٣ أكواب ماء حار وبعد مايغلي نهدي النار عالوسط للهادية ونغطي القدر الين يتسوي اللحم.
بعد ما يستوي اللحم نضيف خليط الطحينة على اللحم وملعقة كبيرة ممسوحة ملح او حسب الرغبة وفلفل ابيض او اسود(( الفلفل الابيض عشان مايتغير لون المنزلة))
نقلبهم على نار متوسطة الى عالية لمدة ربع ساعة او الين يسمك قوام المنزلة..
تتقدم مع الخبز على فطور عيد الفطر المبارك..
وحتى مع الرز الابيض مرررة لذيذة😍
#صباح_الخير #عرب_فوتو #فطور #طبخات #تصويري #مطبخ #رمضان #وصفات #وصفات_سهلة #وصفات #اكسبلور #لذيذ #اكل #السعودية #عدستي #هاشتاق #صوره #ضحك #انستقرام #عرب #دبي #صور #لايك #الامارات #مساء_الخير #هاشتاق #2019 #عيد