الملوخية المجمده وكيف تطلع تحفه👌
🛑 طريقة التحضير
استخدمت دجاج الوطنيه مجمد
سلقت الدجاج بإضافة ورق غار وفلفل اسود وحبة بصل بعد ماشلت الزفر اثناء الغلي
استخدمت بكتين ملوخيه مجمده واول شي احطهم على القدر والنار واطيه
اضيف عليهم كمية قليله جداً مرق دجاج واغطي القدر اخليها تفك
اضيف م ص بيكرونات الصوديوم عشان تحافظ على اللون الاخضر وماتصير غامقه وملعقة سكر للنكهه
اضيف مرق تدريجياً واهم شي احرك باستمرار ومااوقف عشان الملوخيه تتماسك معايا ويطلع قوامها فنان
اضافة المرق حسب الرغبه في قوامها بس الاهم مانوقف تحريك
الطشه:
ثوم مهروس واحمسه بسمنه واضيف كزبره ناشفه
اهم شي ماتغلي الملوخيه ، تكون النار واطيه ونستنر بالتحريك، لما تبدأ تغلي ارفعها عن النار
واستمتعوا بالطعم
وبالعافيه عليكم 😍♥️
