| كرات التمر Date balls |
طريقتها سهله مررره وبنفس الوقت سناك لذيذ وصحّي وغني بالدهون المفيده من المكسرات والزبدة ..
مافيه مقدار معيّن و مافيه مكوّن تقولين وش البديل ؟سويها على ذوقك 😴 بأعطيك المقادير وانتي بدّعي بالكمّيات 👌🏻
راح نحتاج وضروري الأساس اللي هو :
( تمر معجون أو انتي شيلي النّوى أهم شيء تمر فاخر وطعمه لذيذ .. ونرش عليه ملح شيء بسيط )
ثم الحين نجي للإضافات نبدأ بـ :
1/ النكهة > لك الخيار :
قرفة مطحونة ، هيل ، فانيلا ، يانسون .. الخ .
2/ المكسرات اختاري اللي يعجبك والأفضل تاخذينها خام وتحمصينها كل نوع لحاله بالفرن ..
جوز البيكان ، لوز شرائح أو لوز مبشور ، فستق شرائح
أو فستق مبشور ، بندق ، جوز الهند مبشور ، جوز الهند رطب ، شرائح جوز الهند ، جوز الهند محمص ، كاجو ، فول سوداني ، سمسم .. الخ من المكسرات ، وتقدرين تستغنين عنها لو كان معك حساسية من المكسرات ..
3/ (الزبدة ) سواء زبدة حيوانية غير مملحة نذوب نص اصبع على ( كيلو تمر ) وأضيف ملعقة ونص كبيرة من الزبدة الصحّية آخذها من من نيترز أكثر زبدتين تعجبني ( اللوز والجوز الهند) خيااال ..
وعندها أنواع كثيره غيرهم اختاري اللي يعجبك ،
4/ خيارات إضافية أنوّع فيها من فترة لفترة :
– بودرة شوكلاته تكون خام وجودتها ممتازة .
– شوكلاته خام 70% فما فوق مذوّبه .
– شوفان محمّص .
– بذور الشيا .
– عسل أو شراب القيقب .
– بودرة البروتين .
– بودرة اللوز .
5/ التشكيل يرجع بعد على ذوقكم بس الأفضل
كرات وندحرجها على : جوز الهند مبشور أو محمص ، فستق ، سمسم ، ممكن بسكوت صحي مجروش .. الخ .
بالأخير إذا تبين تراعين الدقّة الزايدة المتناهية 😅
اوزني الحبات من 20-25 جرام على ذوقك يا عسل .. وإن شاء الله إنك ماراح تنسيني من دعواتك الحلوه 💓
#صحي_مع_عبير_العميره
