– كفتة تونة 🐟 بالبطاطا الحلوه 🍠( صحّيه ) 😍 ولا فيها ولا نؤطة زيت 👌🏻.
** الطريقة :-
١- استخدمت علبتين تونة قودي بالماء والملح الحجم الصغير صفّيتها وبعدين حطيتها بصحن عميق + فلفل حار هلابينو أحمر مقطع مكعبات صغيره + بصل أخضر مقطّع شرائح رفيعه .
٢- وأضفت عليهم حبة بطاطا حلوه مهروسه ، طريقتي فيها : ( أغسّلها وأنظفها وأسوي فيها ثقوب متباعده بالشوكه من كل الجوانب وبعدين أغلفها بقصدير وأدخلها للفرن على درجة ٤٠٠ فهرنهايت تجلس ٤٥ – ٦٠ دقيقه )
٣- وبعدين أضفت شوي من صلصة الشواء الحارّه + فلفل اسود مطحون + ملح + بابريكا.
٤- أضفت بيضه وحده + م ص بيكربونات الصوديوم .
٥- آخر شيء أضفت بقسماط نصف كوب ممكن تحتاجين أكثر أو أقل على حسب لين تتماسك العجينه .
٦- شكّلتها أقراص وصفّيتها بصينيه عليها ورق زبده ودخلتها للفرن بالرف الوسط على درجة ٣٥٠ فهرنهايت نخليها لين تتماسك وتتحمر من تحت وبعدين نشغّل من فوق لين تتحمر بعد .
وبألف عآفيه وصحّة على قلوبكم ♥️
– ملاحظه /
١- الوصفه سهله ومافيها تعقيد اللي ماعندك استبدليه بأي شيء عندك .
٢- اللي مايحب البطاطا الحلوه يستخدم بطاطس عادي .
