– المعبوج الأحمر 🌶 على طريقة أمي ♥️ – .
الطريقة /
الثوم رأس كامل ننظفه وندق الفصوص لين تنهرس وتشوّح في زيت زيتون لين يصير لونه ذهبي مو يتحمر انتبهو + ملعقة كبيرة كزبره حب تدق لين تصير مجروشه و نصف ملعقة كبيره كمون حب يدق لين يصير مجروش ونضيفهم مع الثوم وبعدين نضيف له شوي ملح ونضيف طماطتين مقطّعه مكعبات كبيره + م ك معجون طماطم + م ص كركم مطحون + م ك دبس الرمان ونخليهم يتسبّكون شوي وبعدين نطفّي عنه النار ونضيفه على :
كيلو فلفل أحمر حار طازج ننظفه ونشيل الراس منه واللي مايحب الحبوب اللي داخل يشيلها ونحطه بمحضرة الطعام + ربع كوب خل .
وبعد ماينخلط نطبخه شوي على النار ٥دقايق تقريباً ونضيف م ك دبس الرمّان ، وبعدين نحطه في برطمان ونضيف له زيت زيتون لين يغطّيه بالكامل عشان يخليه محتفظ بالنكهات لفترة طويله ونغطيه مضبوط وعند الاستخدام : ناخذ بالملعقه ونحط بصحن مو ناخذ بالملعقه من نفس العلبه ونرجعها عشان يجلس بالثلاجه فتره طويله مايتغير طعمه ولا يخرب . .
يعتبر من المقبّلات يقدّم مع الأرز 😋 ومع البرياني شيء خطير ماحصلتشي 😢💔
-ملاحظه :- اللي مايستسيغ طعم الزيت زيتون يحط زيت عادي خفيف مثل دوار الشمس وفيه زيت اسمه زيت الخردل يضيفونه بس للأمانه ماجربت طعمه 🙊
صالح لمدة شهر بالثلاجه ، واللي يبي يفرزنه :
مايضيف زيت زيتون ! يحفظ بالفريزر وعند الاستخدام بعد مايفك عن الثلج نضيف الزيت . #معبوج_عبير_العميره
