المالح من المطبخ الشعبي الاماراتي 🇦🇪 ٠
مع ضيفتنا الطاهيه الاماراتية سمية عبيد
المقادير لكل كيلو مالح
- ٢ كوب رز بسمتي منقوع
- ٢ طماطم كبيرة شرايح
- ٢ بصل كبيرة شرايح
- نص حزم كزبرة
- م ص معجون طماطم
- عرق فلفل حار
- حبه فلفل بارد
- ٢ م ك ليمون
- م ك بهار مشكل
- م ك كركم
- رشة جوزة الطيب
- لومي صحيح
- م ص ملح
طريقة التحضير
اولا تحضير المالح =
ننقعه ليله كامله بماء بارد ثم نحطه بالقدر ياخذ غلوة ونغير الماء ثم نغليه مره ثانيه ونصفيه ونطلع اللحم على جنب
ثانيا الطبخ =
بالقدر على نار متوسطه حاميه شوي زيت يحمى ثم نحمس البصل لين يتكرمل ونضيف الطماطم ونحمس ثم نحط البهارات المطحونه ونحمس ونضيف الفلفل واللومي ونحمس ثم المالح ونحمس وبعدها الكزبره ومعجون الطماطم وعصير الليمون ونحمس / ونعطيه كوب ماء للتسبيك / ثم نضيف الرز نقلبهم بالحمسه ونضيف له الماء على القد ورشه ملح ونخليه يطبخ اول ما يبرز الرز شوي نضيف سمن ونغطيه نخليه يستوي
على نار هادية
عوافي ❤
