صوص التفآح
لذيذ وقوآمه يجننن ينفع تبدّعون فيه مع الحلويات مثلاً مع :
( تشيز كيك – آيس كريم – نحشيه جوا عجينه فطيرة التفاح .. الخ )
بالنسبه لي جربته مع تشيز كيك بقطع التفاح لذيذ ومميز للي يحبّون التفاح يدخل بالحلا 😍😋👌🏻
راح أنزلكم طريقته بإذن الله انتظروني ..
طريقة صوص التفآح:
١- ٤تفاحات خضراء مقشّره ومقطعه مكعبات .
٢- نضيف عليها كوب سكر أسمر هنا صورة السكر اللي استخدمته ع الهاشتاق #كوكيز_عبير_العميره يجي رطب وناعم مو خشن + عودين قرفه + عصير نصف ليمونه + م ص ملح .
٣- نخلطهم مع بعض في تاوه عميقه أو قدر ونخليهم على نار هاديه رقم ٢ راح يجلس ٤ساعات راح تنزل منه مويه مايحتاج تقلقون او تقولون يحترق .
٤- بعد الـ٤ساعات نشيل أعواد القرفه ونهرس التفاح بالملعقه راح يكون فيه قطع صغيره ننعّمها بالخلاط الكهربائي ونضيف عليه م ص فانيلا سائله و راح يصير معكم قوام مثل التوفي الثقيل .
٥- تحفظونه في برطمان زجاج صالح لمدة ٣أسابيع بالثلاجه . .
جرّبوه وعطوني رآيكم فيه 😍👍🏻
