حلا الكبّه 😋😍 حلآ قديم ولذيذ بس قلت أكتبه لكم أذكركم فيه 😉 يوم ذقته من يدين بنت جيرآننا يااااه الطعم ذكّرني بأيام بدايات الطبخ 😴 عاد قلت لازم أكتبه لكم اللي ماصلّحه يصلحه أسهل منه مافيه 👌🏻 .
المقادير والطريقه مع بعض :- كيسه شعيريه باكستانيه نفرمها في محضرة الطعام فرم ناعم بعدين نحمسها مع ربع اصبع زبده .
كوب بسكوت دايجستف مطحون ناعم .
كوب حليب بودره محموس .
في تآوه عميقه نخلطهم مع بعض ونشغل النار على أقل رقم ونضيف علبة قشطة ١٧٠جرام + ربع كوب حليب مكثّف محلّى أو ممكن تحتاجون زياده .
أهم شيء تتكوّن عندنا عجينه ملمومه وليّنه عشان تقدرون تشكلونها بسهوله .
نآخذ قطعه متوسطه ونحشيها حبة من شوكلاتة مالتيزرز وبعدين نقفلها مضبوط ونشكّلها زي الكبّه ، شوفو باليوتيوب كيف يشكّلون الكبّه مره سهل الموضوع 👌🏻
بعد ماتخلصون من الكمّيه قلّبوها في بسكوت الجوزاء مطحون ناعم وبس 😍✨
اقتراحات :-
١- ممكن تشكّلونه كور أو أي شكل أسهل على راحتكم .
٢- ممكن تغمسونها بشوكلاته سايحه ويصير عندكم
حلا الأعواد تذكرونه 🙊
٣- فيه حركه مره جميله تشكلونها وتغرسون فيها أعواد الايسكريم وبعدين تغمسونها بالشوكلاته وتكتبون ع الاعواد أسماء أو عبارات أنتم تحبونها .
٤- ممكن تضيفون أو تنقصون في المقادير مثل :
مكسرات أو بسكوت لوتس أو جوز هند محمص و و .. الخ
كل وحده تبدّع على ذوقها .
وجعله بألف عافيه عليكم حبايبي 💜✨
