لا يفوتكم مررررررة فناااااان😍وتقدرو تحطو مكعبات صدور دجاج بدل الربيان
مشخول الربيان بطريقتي
المقادير
- كوبين ونص ارز ابو كاس مزة مغسول ونطبخه نص استواء في موية كثيرة تكون مغلية فيها زيت وملح ونصفيه ونخليه على جنب.
- ٢ ملعقة كبيرة زيت
- ٢ ملعقة كبيرة زبدة وممكن نستبدله بالزيت
- ٢ كيلو ربيان طازج مقشر ومنظف
- ١ بصلة مفرومة
- ١ حبة فلفل رومي مفروم
- ١ جزرة مبشورة
- ١ كوسة مبشورة
- ٢ ملعقة صغيرة ثوم
- ١/٢ كوب كزبرة مفرومة
- ١ طماطم كبيرة مفرومة
- البهارات(( ١ ملعقة كبيرة ملح // ٢ ملعقة صغيرة كمون // ٢ ملعقة صغيرة كزبرة ناشفة // ١ ملعقة صغيرة كركم // ١ ملعقة صغيرة بابريكا // ١/٤ ملعقة صغيرة هيل // ١/٤ ملعقة صغيرة فلفل اسود))
طريقة التحضير
انا سلقت الرز مزامنة مع طبخ الربيان يعني الافضل نبدأ سلق الرز لمن نبدأ الكشنة.
سلق الرز مايطول ٥ الى ٧ دقايق بالكثير ولازم تكون الموية اصلا بتغلي قبل لانحط الرز
الربيان المفروض ماينطبخ وقت طويل حينكمش ويصغر حجمه ويصير قاسي زي المطاط عشان كذا نعمل الكشنة اول ونسبكها بعدين نحط الربيان ونكمل الطبخة بسرعة مانطبخ الربيان كثير يادوب بس يتغير لونه نضيف البهارات والكزبرة والرز على طول ولمن نضيف الرز المطبوخ نهدي النار على اقل درجة يكفيه نص ساعة بالكثير ٤٠ دقيقة.
