المهم ننتقل للحشوات الي سويتها
حشوة السمك:
- كوب سمك مطبوخ بملح فقط
- نص كوب بصل مكعبات متوسط
- ثلث كوب زبيب
- ربع كوب زركش ( اختياري)
- م ص بهار كاري
- نص م ص بهار كركم
- رشه زعفران
- نص كوب جوز مفروم خشن
- رشة ملح
- كزبره مفرومه بالاخير
بالصاج شوي زبده او سمن نحمس البصل يذبل ونضيف البهارات ونحمس ثم الزبيب والزركش ونحمس ثم السمك المطبوخ والجوز ياخذوه حمسه مع الكزبرة ونخليهم يبردو قبل الحشوة
حشوة اللحم المفروم:
- ٤٠٠ غرام لحم
- نص حبه بصل كبيرة مقطعه مكعبات صغيرة
- م ك بهار سمبوسه
- م ك زيت
- اذا ماعندك: م ص ملح + م ص كمون + م ص فلفل اسود
نشوح البصل بالزيت ع نار متوسطه بس يذبل نحط اللحم نشوحه ياخذ لون نحط البهار ونقلب واخر شي نزيدها ورقيات شبت وبقدونس
حشوة الربيان:
- نص كيلو ربيان مطبوخ
- ومقطع مكعبات صغار
- كوب ملفوف مفروم خشن
- ربع كوب جزر مفروم خشن
- م ص ملح
- زيت سمسم
بالصاج زيت سمسم ونحمس الخضار على خفيف ونضيف له الربيان والملح ونشيله
نقدمهم مع الصوصات
حار حلو
زبادي ثوم
دقوس حار
#اعلان
#اعلانات
#طبخ
#وصفات
#سمبوسه
