اليوم اكلتنا من المطبخ الباكستاني تشيكن جال فريزي ورز قيما الوصفتين سهلين ولذيذين
المقادير للجالفريزي :
صحن صدور دجاج مقطع طويل+علبه زبادي + ملعقه كبيره من بهارات جالفريزي اخلطهم واحطهم في الثلاجه ربع ساعه
لو مااتوفرت البهارات حطي ملعقه كاري + عصير ليمون +نص ملعقه صغيره ملح ليمون +فلفل احمر
في طاوه عالنار ملعقه صغيره سمن وشوي زيت واحميه كويس واضع الدجاج المتبل واحمره مع الزيت لحد ماتنشف الخلطه واضيف طماطم مقطعه طويل واقلب دقيقه ثم اضيف حبه بصله مقطعه طويل وحبه فلفل رومي مقطعه طويل اقلب الخضار مع الدجاج بحذر عشان مايتفتت الدجاج واتركهم على نار هاديه واغطي القدر لمدة خمسه دقايق ازين الوجه بشوي كاجو وبالعافيه
رز قيما :
كاسه ونص رز مفلفل ومستوي
حبتين كبار بطاطس مقطعه مكعبات صغيره ومقليه
في طاوه على النار احط شوي زيت وبصله مقطعه صغير اكشن لحد مايتحمر البصل واضيف فصين ثوم مدقوقين مع زنجبيل واقلب ثم اضع البهارات (م/ص كزبره ناشفه م/ص كمون نص م/ص كركم م/ص كاري )ملح واقلب لحد ماتطلع ريحتها ثم اضيف البطاطس المقلي واضيف ربع كوب مويا عشان تتجانس المكونات اجيب قدر صغير يدخل الفرن واحط طبقات من الرز والبطاطس بالتدريج مع الضغط بالملعقه وادخلها الفرن لمدة نص ساعه وبالعافيه
#تشيكن_جالفريزي #طبخ_باكستاني #اكل_هندي #وصفتي #وصفتي #طبخ #تصويري #ابداعي
