: صينية دجاج بالبطاطس إنما إيه 😋👌🏻 :
سهله جداً و تقدرون تتحكمون فيها تزيدون أو تنقصون على ذوقكم 😍
1- في صينيه للفرن نحط شوي زيت يمكن ملعقتين كبيره وعلى نار متوسطه لين يحتمي بعدين نضيف قطع الدجاج أنا استخدمت السيقان اللي تجي مبرّده تبع ماركة اليوم تجي مقطعه وجاهزه وأقلبها تتماسك وتتحمّر خفيف من الجهتين .
2- أضيف عليها فلفل رومي أحمر وأخضر مقطع شرائح أو اللي يجي ميني أضيفه حبات كامله + فلفل حار حسب الرغبه بدون تقطيع .
3- أضيف 5 فصوص ثوم طازج مفروم + ملعقه كبيره من معجون الطماطم + البهارات المطحونه 🙁 كركم ، فلفل أسود ، بهارات ايطاليه مطحونه + أعشاب ايطاليه + شوي زنجبيل بودره + ملح ، وأفضل شيء تستخدمون البحري + بابريكا اللي هو فلفل رومي أحمر مطحون + فلفل أحمر حار مطحون ) ، وأقلبهم مع بعض وبعدين أضيف شرائح طماطم .
4- بعدين أضيف بصل حبات صغيره أحطهم حبات كامله 4حبات تقريباً اللي مايحبون يضيفونه كامل يقطعونه شرائح .
5- بعدين أضيف بطاطس مقطع شرائح عريضه مو رفيعه أفضل عشان ماتنهرس تبقى على حجمها وأقلبهم مع بعض وأخليهم على نار هاديه 5دقايق .
6- بعدين أحط على الصينيه قصدير أكتمها مضبوط وأدخلها الفرن وهو ساخن على درجه متوسطه مشغل من تحت يكفي ساعه الا ربع .
7- بعدين أشيل القصدير وأشغل عليها من فوق تتحمر وياسلااااام آخر لذاذه يصير فيها صوص خاثر 😋👌🏻 .
.
تتقدّم مع الرز الأبيض أو السليق أو الخبز .
وعساه بألف عافيه يارب على قلوبكم ❤
