《معمول مد بالجوز》
الوصفه تبين صعبه للبعض .. لكن اذا مقاديركم صحيحه .. فما في اسهل منها واسرع هذا غير انها #لذيذة_لذاذة_اللذوذين_كلهم😋👌
◾المقادير بالاكواب القياسية:
- ٢ كوب سميد فرخه (طحين فينو)
- ١ كوب سميد خشن
- ٢٠٠ جرام سمن أو زبدة
- ربع كوب سكر بودرة
- نص م.ص خميرة فورية
- ٢ م.ك ماء زهر
- نص كوب ماء ورد
- ممكن اضافة بهار المعمول او المحلب او الاثنين
◾للحشوة
- ربع كيلو جوز (عين جمل)
- نص كوب سكر
- ٢ م.ك ماء ورد
#حلويات_كلحه #معمول_كلحه
طريقة التحضير
🔸️نخلط المقادير الجافه .. السميد والسكر والخميرة باليد جق جق جق
🔸️نضيف عليهم السمنه والزبدة ونفركهم باليد جيدا لما نتاكد ان الدهن تداخل مع السميد
🔸️ابدأ اضيف السوائل بالتدريج واعجن لما اصير العجينه ملسا ومتماسكه وما تلزق
🔸️اخليها ترتاح نص ساعه وبعدين اقسمها نصين
🔸️افرد النص الاول بين ورقتين زبدة او ورق شمعي او نايلون كله واحد .. وافردها بسماكه متساوية على حجم الصينية
🔸️بدون ما ادهن الصينية .. احط الطبقه الاولى واساوي السطح باليد .. ممكن نبلل ايدنا بالماء اثناء هالعملية
🔸️افرد الحشوة بالتساوي واحط فوقها النص الثاني بعد ما افرده بنفس طريقة الطبقه الاولى
🔸️بسكين مبلله اقطع المعمول بحيث السكينه ما توصل للطبقه السفلى
🔸️وتدخل فرن محمي مسبقا لاازم .. حرارة ١٨٠ درجه .. اشعل بس تحت خمس دقايق بعدين اشعل فوق وتحت عشر دقايق اضافية (يعني المجموع ربع ساعه) او على النظر يمكن تاخذ اكثر .. لمن تحمر فوق وتحت
🔸️نطلعها ونتركها تبرد تمااااااامااااا بعديييين .. نعيد تقطيعها وبالعافية 😊👌🏻
#وصفات_العيد_كلحه
#٢٠١٨_كلحه
#معمول_الكلحه #وصفات_عيد_الكلحه
هل الفيديو لا يعمل؟ إضغط هنا
