| ماربل كيك بالبرتقال 🍊 | ألذ ماربل راح تذوقونه 😋
معليش ماعليكم من الحجم لأن الصينيه عندي كبيره على الخليط لو أصغر كان طلعت شيء خرافي 👌🏻
جربوها وبتدعون لي بإذن الله 😍
اصبع زبدة = 100 جرام بحرارة المطبخ .
+ ثلاث أرباع كوب سكر بودره .
نخفقهم مع بعض بالمضرب لين يندمجون وبعدين نضيف عليهم : بيضتين + م ص فانيلا + ملعقتين كبيره عصير برتقال + قشر برتقاله كامله ، وآخر شيء نضيف كوب طحين + م ص بيكنج بودر + ربع م ص ملح .
بعدين نقسم الخليط إلى قسمين : قسم ساده ، و قسم نضيف عليه م ك كاكاو بودره + ثلث كوب هيرشيز تشيبس (شبه محلّى) و نخلطهم مضبوط 👌🏻
وبعدين نجيب صينيه صغيره مستطيله ونحط خليط الشوكلاته وفوقه الخليط الساده ونحركهم بطرف السكّين بشكل عشوائي وندخلهم لفرن مسبق التسخين على درجة 350 فهرنهايت بالرف الوسط ويكون مشغّل من تحت وما نفتح الفرن قبل نص ساعه أخذت معي 40 دقيقه .
و أول ماطلعتها من الصينيه وهي ساخنه فردت عليها صوص الشوكلاته عباره عن : ثلاث أرباع كوب شوكلاته خام أي نوع تحبون + م ك زبده + م ك شراب الذره أو شيره خفيفه أو عسل خفيف ونذوبهم بحمام مائي ونفردهم بسرعه ع الكيك وهو حار قبل مايبرد وبعدين نخلي الكيك تبرد على راحتها ويتماسك الصوص عليها واستمتعو بألذ ماربل كيك 👌🏻
عليكم بألف عآفيه ياجميلآت 💘✨
