قوارب البطاط بحشوة فاهيتا الدجاج😋❤️
.
المقادير:
٨ حبات بطاط متوسطه ( نقطعها بالنص و نحفرها من النص عشان نحط الحشوه ..ونغسل البطاط عدل و نتبله بالملح و بهارات مكسيكيه جاهزه او بهارات خاصه للبطاط) بعدين نقلي البطاط بزيت غزير . ( ممكن سلق البطاط او شوي بالفرن)
.
حمسة الدجاج:
نحمس ١ بصل مفروم لما يذبل نضيف عليه ٤ صدور دجاج مقطعين مكعبات صغيره +ملعقه صغيره ثوم مهروس.ونحمسهم عدل لما يستوي الدجاج (نضيف فلفل بارد ملون+ ممكن اضافه مشروم او ذره) ..تالي نضيف ملح وفلفل اسود و بهارات الفاهيتا الجاهزه .
صلصة الجبن:
نذوب ثلث قالب زبده وانضيف عليه ربع كوب طحين ونحمس بمل تطلع ريحة الطحين انضيف ٣ كوب حليب سائل ونخلط لما يبدي يثقل الخليط نضيف كوبين جبن شيدر مبشور +ملح+بابريكا او فلفل اسود
.
الطريقة:
بعد قلي قوارب البطاط نحشيهم بالدجاج و شوية موزريلا و فوقهم صلصة الجبن وعالفرن ربع ساعه🔥 تالي نقدمهم مع ناتشوز وهالبينو و ممكن انضيف عليها غواكومالي
.
وبالعافيه❤️❤️
.
.
بس شرااايكم بالفيديو مع الصوت🙄🤔
