سينامون رولز بطريقة غدير سعد
يجنننننن يهبببببل طراوه مو طبيعيه جربوه واحكمو 😋 .
العجينة /
1- كوب حليب سائل دافي نخلط معه نص كوب سكر وملعقتين ونص صغيره خميرة فوريه نخلطهم مع بعض ونغطّيه لين تنتفش الخميره .
2- ثمن نضيف عليهم ظرف دريم ويب + ثلاث أرباع اصبع زبدة يعني 75 جرام سايحه + بيضتين + ربع م ص ملح .
3- ثمن نركب العجانه ونضيف بالتدريج الطحين أضفت
4 أكواب ونعجنها مضبوط راح تكون العجينه لينه مررره ونغطيها لمدة ساعه كامله .
4- نفردها وندهنها بزبده لينها وبعدين نرش عليها :
سكر بني + قرفه + كاكاو بودره ، ونلفها رول ونقطعها وبعدين نصفها بالصينيه ونخليها ترتاح من نص ساعه إلى 40 دقيقه وندخلها فرن ساخن مشغل من تحت على درجة 350 فهرنهايت وبعد 10 دقايق بالضبط نطلع الصينيه ونضيف على كل قطعه كريمة خفق ونرجعها للفرن مره ثانيه لين تستوي ممكن تاخذ ربع ساعه
إلى 20 دقيقه وتجهز 😍
5- نجهز الفروستينق ( الكريمه ) :
سبع حبات جبن كيري وملعقه صغيره فانيلا سائله وربع كوب كريمة أو حليب ورشة ملح وكوبين سكر بودره جاهز ..
في وعاء نضع الجبن ولازم يكون بدرجة حرارة الغرفه لأنه راح يطلع قطع إذا كان بارد ونضيف عليه الفانيلا والكريمه والملح ونخفق لين يتجانسون مضبوط وبعدين نضيف السكر بالتدريج وأول مايطلع السينابون نحطه على الوجه وبعدين نضيف التوفي أو صوص شوكلاته وجوز البيكان واستمتعو باللذاذه 😋👌🏻
