✨| كيكة الحليب 🍰 tres leches |✨
هذي الكيكه الهبّه الجديده هي بالأساس بدون نكهات بس عاد تفننو فيها بعضهم يضيف زعفران أنا حبيت أسويها على الطريقه الأصليه بالحليب بدون نكهات .. سمّوها كيكة الحليب لأن يدخل فيها 3 أنواع حليب : ( السايل العادي والمبخر والمكثّف المحلّى )
أول شيء حبيت أجربها بالخليط الجاهز طلعت حلوه ماعليها بس حاليييه حبتين ذكرتني وأنا آكلها كأني آكل التورته اللي تجي جاهزه في المخابز مع الكريمه مرررره نفس الطعم .
1- للي يحبون الخليط الجاهز استخدمت خليط بيتي كروكر اللي مكتوب عليه أبيض بدون أي نكهه .
مكتوب ع الكرتون نضيف ع الخليط بياض بيض + زيت + ماء تسوونه مثل المكتوب . ( استخدمت كرتونين لأني قلت أبغاها تكون عريضه بس خلوها على كرتون واحد أحسن ).
2- أول ماتطلع من الفرن نسوّي فيها فتحات بالشوكه أو عود الشوي فتحات كثيره وبعدين نسقيها بالصوص عباره عن : ( كوب حليب محلى مكثّف + كوب حليب مبخّر يعني اللي ينشرب مع الشاهي مثل : بوني وأبو قوس .. الخ + كوب كريمة خفق )
الصوص يكون بارد والكيكه أول ماتطلع من الفرن نحط الصوص كله وراح تتشربه الكيكه .
3- بعدين نخفق كوب كريمة خفق أحب استخدم فيكتوريا وعادي ينفع أي شيء مع ربع كوب سكر بودره جاهز ونضيف الكريمه فوق الكيكه .
وبعدين ع الوجه حطيت جوز هند مبشور رطب مو ضروري بس أنا حبيته مع الوصفه مرررره مناسب 😍👌🏻 وبألف عافيه على قلوبكم ♥️
