| كوكيز محشي كاراميل |
القسم الأول :
230 جرام زبدة بحرارة المطبخ + ثلاث أرباع كوب سكر بني ناعم + نص كوب سكر بني خشن + ربع كوب سكر أبيض ناعم .
نخفقهم مع بعض لين يمتزجون مضبوط 👌🏻
القسم الثاني :
بيضه + صفار بيضه + م ص فانيلا سائله نخفقهم مع بعض و نضيفهم ع القسم الأول ونخلط لين يمتزجون ويصير القوام ناعم مافيه تكتلات .
آخر شيء نضيف القسم الأخير :
كوبين ونص طحين أبيض + نص م ص ملح + م ص بيكربونات الصوديوم .
ونخلطهم مع بعض المكونات بمجرد يختلط الطحين نوقف ما نكثر خلط .
بعدين نكورهم كور صغيره نحشيها قطعة توفي
أو حلاو بقر أو كاراميل قوامه ثقيل مع رشة ملح بحري خشن ونكورهم ونصفهم بصينيه عليها
ورق زبده وندخلهم لفرن مسبق التسخين على مشغل من تحت على درجة 350 فهرنهايت خليتهم بالضبط 8 دقائق فقط 👌🏻
بالنسبه لي شغلت المروحه من فوق وتحت وجلست أراقبه اخذ معي 7 دقائق .
