♥️♥️🤩 كيكة الشوكولاته اللذيذه
تفوووووز بألذ كيكه سويتها هشه ومليانه شوكولاته ومقاديرها سهله وبسيطه وموجوده في كل بيت ، لاتفوتكم لازم تجربوها 😍🤤👌🏻
المقادير
- بيضه بحرارة الغرفه
- كوب سكر
- ثلاث ارباع الكوب زيت
- ملعقه صغيره فانيليا سائله او بودره
- ملعقه كبيره خل
- كوب حليب سائل بحرارة الغرفه
- ٤ ملاعق كبيره كاكاو بودره مُر
- كوب وثلث دقيق
- ملعقتين صغيره بيكنج بودر
- ربع ملعقه صغيره ملح
✨للبودينغ :
- ٤ ملاعق نشأ
- ٤ ملاعق سكر
- ٣ ملاعق كاكاو بودرة مُر
- كوبين حليب سائل
- ملعقتين كبيره نوتيلا
- ملعقه كبيره زبده
✨للتغطيه :
- علبة قشطه
- ملعقتين كبيره نوتيلا
طريقة التحضير
نخلط البيض والسكر والحليب والفانيليا والخل الين مايذوب السكر تماماً نحط المواد الجافه ونخلطهم مع بعض مجرد مايختفي الدقيق نوقف لاتطولوا بالخلط ، بعدها نحطها في صينيه مبطنه بورق زبده واذا ماعندكم ادهنوها بزبده ودقيق
وندخلها على فرن مسبق التسخين على حرارة ١٨٠ درجة مئويه 🔥
لمدة ٤٠ دقيقه ونحطها بالرف الوسط ولاتفتحوا الفرن الا بعد مايمر نص الوقت يعني بعد ٢٠ او ٢٥ دقيقه وتختبروا استواء الكيكه بعود اسنان تغرسوها في وسط الكيكه اذا طلعت ناشفه تمام واذا طلع فيها سايل خلوها بالفرن لين تستوي
بعد ماتستوي نترك الكيكه على جنب الين ماتبرد نقصها لطبقتين ونسوي بودينغ الشوكولاته ونصبها فوق الكيكه وهي ساخنه لانها لو بردت تتماسك وماتتفرد بسهوله ونحط فوقها طبقة الكيكه الثانيه ونغطيها بصوص القشطه والنوتيلا وندخلها الثلاجه الين ماتبرد وتتماسك نقطعها ونقدمها وعليكم بألف عافيه
هل الفيديو لا يعمل؟ إضغط هنا
